Urubanza rwa Bwana Paul Rusesabagina yagirizwa ivyaha bitandukanye birimwo ivy’iterabwoba rwongeye gusubikwa. Urukiko rwisumbuye rwa Nyarugenge rwasiguye ko rwasubitse urwo rubanza rwa Paul Rusesabagina ujuririra gufungwa by'agateganyo kuko umwunganizi we Me Gatera Gashabana adahari.
Mu rukiko uyu munsi hifashishijwe ikoranabuhanga, uregwa ari muri gereza yasabye ko ataburana kuko kugeza kuri uyu wa kabiri atari yakabonana n’umwunganizi we Me Gatera gashabana.
Bwana Rusesabagina ahita asaba urukiko ko rwasubika urubanza akazaburana yunganiwe. Umucamanza yahise asoma urwandiko yandikiwe na Me Gashabana aho yasobanuraga impamvu atabonetse mu rubanza rwa bwana Rusesabagina.
Me Gatera Gashabana yasobanuye ko atabonetse mu rukiko kuko ari mu rundi rubanza I Arusha muri Tanzaniya. Yavuze ko kugira ngo abashe kugera mu Rwanda bisaba kubanza kwipimisha Covid-19, kandi muri Tanzaniya ngo bamuhaye iminsi itanu kugira ngo abone igisubizo.
Gashabana muri urwo rwandiko yandikiye urukiko, yakomeje asobanura ko nagera no mu Rwanda bizamusaba indi minsi byibuze ibiri ngo abe amaze kubona igishubizo cya Covid-19, yanzura ko urubanza rwakwimurirwa ku itariki 20 z’uku kwezi.
Ubushinjacyaha bwavuze ko ibi ari ugutinza urubanza rw'ifungwa n'ifungurwa ry'agateganyo kandi ngo ubusanzwe rugomba kumara iminsi micyeya, ko ariko ari uburenganzira bw’uregwa kubona umwanzuro.
Urukiko rwavuze ko uregwa afite uburenganzira bwo kuburana yunganiwe, rutegeka ko urubanza rwe ruzaburanishwa tariki 20 z'uku kwa 11 nk'uko uregwa yabisabye. Mu minsi ishize ni bwo byatangajwe ko Me Gashabana ari mu bavoka bashyizweho n’umuryango wa Rusesabagina kuza kumwunganira, yari kumwe n’umubiligi Vincent Lurquin we waje kwangirwa kunganira Gashabana.
Umukuru w’urugaga rw’abavoka mu Rwanda Julien Kavaruganda ivyo biba, yabwiye Ijwi ry’Amerika ko uyu mwavoka w’umububiligi atahawe urwo ruhusha “Kuko atari yujuje ibisabwa” birimo ukuba ata mikoranire
iri hagati y’urugaga rw’abavoka mu Rwanda n’abavoka b’Ububiligi.
Paul Rusesabagina umaze kwitaba urukiko inshuro 2 atunganiwe. Ku wa gatanu w’icyumweru gishize, hasobanuwe ko urugaga rw’abavoka mu Rwanda rwisubiranye abavoka babiri bari barahawe inshingano zo kunganira Bwana Rusesabagina.
Abunganiraga Rusesabagina bari batangarijwe ijwi ry’Amerika ko mu gihe umukiliya wabo yatangiye gushyiraho abavoka ahemba, bo batakomeza gukorera ubusa.
Facebook Forum