Nyuma y’umwaka umwe wagoranye cyane ari ku butegetsi, Minisitiri w’intebe wa Lezoto, ntabona neza ejo hazaza he muri politiki, nyuma y’uko ishyaka rye ryasenyutse kandi ari ryo yaratezeho amakiriro ngo agume ku butegetsi.
Moeketsi Majoro yagiye ku butegetsi umwaka ushize mu kwa gatanu, nyuma y’uko uwahoze kuri uyu mwanya Thomas Thabane yaramaze gusezera nabi, kubera ibirego ashinjwa mu urupfu rw’umugore we muri 2017.
Kuri uyu wa gatatu, Minisitiri Ngosa Mahao akaba ni umuyobozi wungirije w’ishyaka riri ku butegetsi yavuze ko umwanzuro wa nyuma wo gushyiraho irindi shyaka waraye ugezweho mu ijoro ry’ejo ku wa kabiri.
Kugira ngo ube Minisitiri w’Intebe muri Lesotho, ugomba kuba ufite ubwiganze mu nteko ishingamategeko. Mahao avuga ko byibuze hafi ya kimwe cya kabiri cy’abadepite 47 ba ABS ku 120 by’abadepite bose bagize inteko bazajya mu ishyaka rye rishya.
Umwarimu wigisha ibijyanye na Politiki muri kaminuza ya Leta, Tlohelang Letsie, mu busesenguzi bwe yavuze ko Minisitiri Majoro yiciwe no kuba ishyaka rye ryacitsemo ibice bityo rero ko amahirwe menshi ari uko adashobora kuguma ku butegetsi.
Muri kano gahugu gato kagizwe n’ubwami bwa Lezoto, gatuwe n’abaturage miliyoni 2 n’ibihumbi 200, nta mu minisitiri n’umwe wigeze byibuze ayobora manda y’imyaka itanu yuzuye mu gihe cy’imyaka icumi.
Lezoto ni kimwe mu bihugu bikennye cyane mu karere k’ibihugu byo muri Afrika yo mu majyepfo, aho usanga abayobozi b'igihugu bahora barwanira ubukungu bwacyo bucye ariko nako bahora bahindagura ubuyobozi.
Facebook Forum