Umuntu Yitwaje Imbugita Yishe Abapolisi Bane mu Bufaransa

Abapolisi bane bakorera ku biro bikuru vy’igipolisi i Paris mu Bufaransa bishwe bacumitishijwe imbugita n’umuntu bivugwa ko yoba yari asanzwe akorera kuri ivyo biro biherereye mu micungararo y’ahari katedrali yitiriwe “Notre Dame”.

Umwe mu bayobozi ba sendika y’abapolisi yemeje ko uwakoze iryo bara yahavuye nawe yicwa arashwe. Icatumye akora iryo bara ntikiramenyekana. Gusa, amakuru y’ibanze yemeje ko yari umukozi yari abaniye neza bagenzi biwe.

Ibibanza vyose vyegereye ibiro bikuru vya polisiI Paris vyabaye birafungwa ku mvo z’umutekano. Na sitasiyo ya gari ya moshi ihegereye yabaye ifunzwe.