Itegeko rya leta ya Tanzaniya ryo gufunga amasoko rusange ahuza impunzi z'Abarundi ziri muri icyo gihugu n'abaturage ntiryoroheye abatuye mu nkambi z'impunzi zihabarizwa.
Hashize umwaka leta ifashe icyo cyemezo ivuga ko ibitewe n'impamvu zo kubungabunga umutekano w'impunzi. Gusa iki cyemezo kimaze kugira ingaruka zikomeye ku mibereho y'impunzi ahanini kubera kubura uburyo bwo guhaha no gushakisha ibindi bya ngombwa bakenera mu mibereho yabo ya buri munsi.
Abarundi bacumbitse muri izo mpunzi bemeza ko batemerewe gusohoka mu nkambi mu gihe abaturage ba Tanzania babuzwa kuzana ibicuruzwa mu nkambi z'impunzi.
Abatuye muri izo nkambi barasaba ko leta yadohora ikabemerera guhura n'abaturage babazanira ibihahwa. Umunyamakuru w'Ijwi ry'Amerika ukorera muri Tanzaniya, James Jovin, yasuye bamwe mu mpunzi z'Abarundi mu nkambi ya Nduta bamutekerereza ingaruka icyo cyemezo cyabagizeho. Kurikira ikiganiro cyabo hano munsi.
Facebook Forum