Igisasu cyaturikijwe n'umwiyahuzi wari utwaye imodoka cyahitanye umuntu umwe gikomeretsa abandi barindwi kuri uyu wa gatandatu i Mogadishu mu murwa mukuru wa Somaliya.
Icyo gisasu cyaturikiye hafi yaho abashinzwe umutekano bakorera cyangije imodoka zigera kuri 12 nkuko abategetsi n'ababibonye babitangaza.
Umuvugizi wa polisi yavuze ko uwari utwaye imodoka cyari giteze mo yarenze ku mabwiriza yo guhagaraga bituma abasirikare bayirasaho babonye ahatiriza amaze kurenga ahantu habiri yagombaga guhagarara no gusakwa.
Nta wigeze yigamba icyo gisasu cyaturikiye bugufi bw'inteko ishinga amategeko n'ingoro ya Perezida.
Cyaturitse mu gihe mu banyapolitike bo muri Somaliya hakomeje impaka ku byerekeye amatora yagombaga kuba italiki 8 z'ukwezi kwa kabiri. Bamwe muri abo banyapolitike bavuga ko Perezida Mohamed Abdullahi Mohamed yarengeje manda ye.
Ibitero by'abo mu mutwe w'iterabwoba wa al-Qaida bikunze kwibasira ahantu hakomeye mu ntambara byashoye igamije guhirika ubutegetsi bwa Somaliya bwemewe n'amahanga. Mu minsi mike ishize, al-Qaeda yavuze ko izagaba ibitero ku biro by'amatora mu gihe cy'itora.
Facebook Forum