Ubutegetsi bwo mu Misiri bwatangaje ko ba mukerarugendo 46 b’Abafaransa n’Abanyamerika bari mu kato muri icyo gihugu kubera virusi ya Corona buriye indege ibacyura mu bihugu byabo.
Bamwe muri bo bari baragumishijwe mu bwato bwabatemberezaga ku mugezi wa Nil, abandi bajyanwa mu bitaro nyuma y’aho virusi ya Corona yadukiye muri icyo gihugu.
Itangazo rya ministeri y’ubuzima ryemeje ko baraye bavuye muri ubwo bwato. Muri abo, 45 bari bagaragayeho virusi ya Corona.
Ejo kuwa gatatu abandi ba mukerarugendo 18 b’Abahinde nabo boherejwe ku kibuga cy’indege cya Kayiro nkuko bitangazwa n’abakozi bo mu bukerarugendo bwa Misiri.
Minisiteri y’ubuzima mu Misiri ivuga ko abo ba mukerarugendo bacyuwe bisabwe n’ibihugu byabo ku bufatanye n’Ishami ry’Umuryango w’Abibumbye ryita ku buzima.
Facebook Forum