Ministri w'ububanyi n'amahanga wa leta zunze ubumwe z'Amerika Antony Blinken yatangaje ko igihugu cya Katari kizahagararira Amerika muri Afuganistani guhera taliki ya 31 z'ukwezi gutaha kwa 12.
Amerika yafunze ambasade yayo Kabul muri Afuganistani nyuma y'aho ikuriye ingabo zayo muri icyo gihugu irangije intambara yari imazemo imyaka 20, ibererekera ubutegetsi bw'Abatalibani.
Blinken na ministri w'ububanyi n'amahanga wa Katari Mohammed bin Abdulrahman Al-Thani basinyanye amasezerano y'ubufatanye hagati y'ibyo bihugu byombi.
Blinken yavuze ko Katari izafungura ishami rito muri ambasade yayo muri Afuganistani rizahagararira inyungu z'Amerika n'umutekano w'ibyayo muri Afughanistani.
Kuva mu kwezi kwa munani abantu barenga 124.000 bavanywe muri Afuganistani banyuze muri Katari.
Facebook Forum