Umunyamakuru Ruhollah Zam w'Umunyairani wahamijwe icyaha cyo guhembera imvururu muri rubanda mu gihe cy'imyigaragambyo y'abarwanya ubutegetsi mu mwaka wa 2017, uyu munsi yishwe nkuko bitangazwa na televiziyo ya leta muri Irani.
Televiziyo ya leta ya Irani yatangaje ko Zam umuyobozi mukuru w'igitangazamakuru Amadnews cyari kigamije gukuraho ubutegetsi yishwe amanitswe.
Ku wa Kabiri Irani yari yatangaje ko Urukiko rw'Ikirenga rwagumishijeho igihano cyo kwicwa yari yakatiwe. Yafashwe mu mwaka wa 2019 amaze imyaka aba mu buhungiro mu Bufaransa.
Urubuga Amadnews yari yarashinze rwari rufite abantu barenga miliyoni barukurikira.
Ubufaransa n'imiryango iharanira uburenganzira bwa muntu byari byamaganye icyemezo cy'Urukiko rw'Ikirenga rwa Irani.
Umuryango uharanira Ubwisanzure bw'itangazamakuru Reporters Without Borders wamaganye iki gihano uvuga ko ubona umuyobozi w'ikirenga wa Irani Ayatollah ali Khamenei nk'uri inyuma y'ibyabaye kuri uyu munyamakuru
Facebook Forum