Italiki ya 03/08/2003, Kiziya y’Abanglikani muri Leta zunze ubumwe z’Amerika yaratoye yemeza ishyirwaho ry’Umwepiskopi w’umutinganyi ubikora ku mugaragaro.
Musenyeri Gene Robinson, wa Diyosezi ya Hampshire yatowe ku bwiganze bw’amajwi bw’abagize inteko y’Ibisonga bya Kiliziya y’Abangilkani, igizwe n’abasaserdoti n’abalayiki.
Icyo cyemezo cyakuruye uburakari ku ruhande rw’abadashaka ko ibintu bihinduka n’abayobozi ba Kiliziya muri Leta Zunze Ubumwe z’Amerika n’ahandi hose mu isi.
Bamwe bari batangaje ko bazasezera muri Kiliziya y’Abanglikani itorwa rya Robinson nirikomeza, bifatanya n’abari muri Afurika, Aziya, no mu birwa bya Caraibes.
Gene Robinson yari yarashatse atandukana n’umugore we bafitanye abana babiri, akaba yari amaranye na mugenzi we w’umugabo imyaka 14.
Abayobozi ba Kiliziya mu Bwongereza n’abo bari batangaje ko kiriya cyemezo gishobora gutuma Kiliziya icikamo ibice.
Umuvugizi wa Kiliziya y’Abanglikani mu Bwongereza yatangaje ko ishyirwaho ry’uwo mwepiskopi w’umutinganyi rireba gusa Kiliziya y’Abanglikani muri Leta zunze ubumwe z’Amerika.
Kuva cyera, Kiliziya y’Abanglikani izwiho kwigahananira abadahuje ukwemera, ikaba ifite abayoboke bagera kuri milliyoni 80 mu isi yose.
Facebook Forum