Aba bantu bari mu bandi barenga ibihumbi umunani bari bamaze iminsi i Ceuta na Melilla. Kuri uyu wa gatanu, ku munsi wa kabiri wikurikiranyije, nta bandi bambutse bajya Ceuta. Naho i Melilla ho hageze abarenga icumi bonyine gusa.
Muri iki cyumweru, umubano hagati ya Esipagne na Maroke wajemo agatotsi kubera abimukira bisukiranyije muri biriya birwa bibiri bya Espagne biri ku nkengero za Maroke, mu mazi y'inyanja ya Méditerranée. Bamwe bagiye boga.
Esipagne irega Maroke ko yabafunguriye amayira kugirango yerekane ko itishimiye ko Esipagne yakiriye Brahim Ghali, umuyobozi w'umutwe wa Polisario, uharanira ubwigenge bw'igihugu cya Sahara y'Uburengerazuba. Maroke ivuga ko Sahara y'uburengerazuba ari intara yayo. Naho Umuryango w'Ubumwe bw'Afurika wo uyifata nk'igihugu nk'abandi banyamuryango bawo.
Brahim Ghali yari yagiye muri Esipagne kwivuza Covid-19.
Facebook Forum