Abanyalijeriya mu Myigaragambyo yo Kwihiza Ihirikwa rya Boutefrika

Abanyalijeriya babarirwa mu bihumbi baramukiye mu myigaragambyo kuri uyu wa gatanu muri gahunda yo kwizihiza umwaka habaye imyiharagambyo yahiritse ku butegetsi Abdelaziz Boutefrika wahoze ayobora icyo gihugu.

Muri iyo myigaragambyo barasaba ko abahoze bakorana na we bya hafi bakiri mu butegetsi bahigikwa hagaterwa indi ntambwe muri demokarasi.

Abigaragambya bagendaga mu mihanda y’umurwa mukuru bavuga ko umwaka ushize basatuye urukuta rw’ubwoba kandi ko bazakomeza.

Imyigaragambyo yahiritse ku butegstsi Abdelaziz Boutefrika yatangiye taliki ya 22 z’ukwa kabiri umwaka ushize ihamyaho kugeza ubwo yeguraga mu kwezi kwa kane. Ariko kuva icyo gihe abaturage bagumya kwigaragambya inshuro imwe mu cyumweru basaba impinduramatwara mu butegetsi mu buryo.

Kuva Bouteflika yegura abantu babiri bigeze kuba ku mwanya wa Ministri w’intebe, abigeze kuba abaministri hamwe n’umucuruzi w’ikirangirire bose batawe muri yombi bashinjwa ruswa no kunyereza umutungo. Ariko abigaragambya barashaka ko n’abasigaye mu bigeze gukorana na Bouteflika bakiri ku butegetsi bahigikwa.