Abantu 10 Baguye mu Bwicanyi Buheruka mu Burasirazuba bwa Kongo

Abantu icumi barishwe mw’ijoro ry’ejo ku cyumweru mu burasirazuba bwa Repuburika ya demokarasi ya Congo. Abo basivili bishwe n’imitwe y’inyeshyamba. Byakongeje imyigaragambyo yamagana ingabo z’amahoro za ONU nk’uko abategetsi bo mu karere babivuga.

Abasivili 10 biciwe mu mudugudu wa Kamango, umunsi umwe nyuma y’uko abantu 22 biciwe i Ntombi.

Donat Kibuana, umuyobozi w’intara ya Beni, yabibwiye ibiro ntaramakuru by’Abafaransa uyu munsi kuwa mbere.Yavuze ko imirambo y’abari bari biciwe i Ntombi, yari itarashyingurwa ubwo abandi bicirwaga Kamango.

Pascal Saambili, umuyobozi wa Gakongo mu karere ka Watalinga, bamaganye igitero giheruka, bavuga ko ari icya ADF, umutwe w’abarwanyi baregwa kwica abasivili amagana.

Faustin Basweki, umuyobozi w’ishyirahamwe ry’urubyiruko i Kamango, yavuze ko yiboneye ubwo bwicanyi.

Avuga ko ubwo abasilikare bahageze, abakoresha iterabwoba babahaye itegeko ryo gusubira inyuma bakava i Kamango.

Yavuze ko bavugaga urulimi rw’Ikiganda, ruvugwa muri Uganda mu bilometero 15 uvuye ku mupaka wa Congo.