Abantu banduye Ebola bariyongereye mu burasirazuba bwa Republika ya demokrasi ya Kongo. Abagera kuri 20 babaruwe mu bayanduye Ebola mu minsi itatu ishize babivuze uyu munsi kuwa kane.
Abandi 10 babimenyeshejwe ejo kuwa gatatu i Mabalako honyine, mu ntara ya Kivu ya Ruguru, nyuma ya batandatu bo kuwa kabiri nk’uko byatangajwe na komite yashinzwe kurwanya Ebola. Ni komite ihuriwemo n’impuguke zitandukanye. Batatu muri batandatu bayigize ni abavuzi ba gihanga.
Abantu barenga 2,200 barapfuye kuva hatangajwe icyorezo cya Ebola muri Kongo mu kwezi kwa 8 mu mwaka ushize.
Komite ikurikirana indwara ya Ebola muri Kongo ivuga ko ibitero by’imitwe yitwaje intwaro ku bakozi bo mu buvuzi bahanganye na Ebola, byazitiye ibikorwa byabo mu bice bya Beni, Biakato na Mangina.
Ibyo bitero byatumye Ishami rya ONU ryita ku buzima, OMS n’Umuryango w’Abaganga Batagira Imipaka (MSF) bakura abakozi i Biakato.
Facebook Forum