Ivyo bihano bishasha birimwo ivyerekeye igisata c’amabanki. Prezida Trump ariko agababisha gufata ivyo bihano kubera Uburusiya bubandanya gukora ibitero vy’amabombe muri Ukraine. Ni igabisha rikomeye mu gihe Prezida Trump ariko arondera guhagarika intambara hagati ya Ukraine n’Uburusiya.
Kugabisha gufatira ibihano bishasha Uburusiya kubaye inyuma y’indwi zitari nke Prezida Trump ashikiza amajambo yari afise intumbero yo gusubira kugirana imigenderanire myiza n’Uburusiya na Prezida w’ico gihugu, Vladidmir Putin. Prezida Trump yari yanatangaje ko yari yiteguriye gukuraho ibihano Amerika yafatiye Uburusiya.
Prezida Trump yatangaje ko afatiye ku vy’uko Uburusiya buriko bukora ibitero bikomeye muri Ukraine muri iki gihe, ariko yiyumvira gufatira Uburusiya ibihano bikomeye cane mu gisata c’amabanki, n’amatagisi akomeye gushika amasezerano yo guhagarika ingwano n’amasezerano ya nyuma y’amahoro apfunditswe.
Yabishikiirje mu butumwa ku rubuga rwiwe, Truth Social. Yatangaje ko Ukraine n’Uburusiya bitegerezwa guhura mu biganiro mu misi ya vuba. (REUTERS)
Forum