Papa Fransisiko ubwiwe yashimiye cane abamusengera bivuye ku mushaha wiwe.
Ni inyuma y’uko amaze ikiringo kigera ku ndwi zitatu mu bitaro akitswe n’amagara.
Muri ubwo butumwa, Papa Fransisiko, yasavye ko Imana ihezagira, ikongera igakingira abamusengeye.
Ici cabaye ikimenyetso ca mbere yerekanye ko akiri muzima kuva agize ibibazo vyo mu mahaha. Ijwi ryiwe ryumvikana nk’iry’umuntu afise amagara make, mu butumwa yashirije mu rurimi rw’Ikiyespanyole, bwafashwe mu majwi kuri uyu wa kane ari mu bitaro.
Ubwo butumwa bwashikirijwe abakristu bari bakoraniye mu kibanza gihezagiye c’umweranda Petero mu gisabisho co ku muhigamo c’irozari.
Kardinale Angel Fernandez Artime, yayoboye ico gisabisho, yari yabwiye abakoraniye muri ico kibanza imbere y’uko gitangura ko yari afise inkuru nziza yo gushikiriza. Bo babanje gutangara baca batangura gukoma.
Papa Fransisiko, afise imyaka 88, amaze igihe afise ibibazo vy’amahaha. (AP)
Forum