Mw’ijoro ryo kuri uyu wa kabiri, Perezida wa Leta zunze ubumwe za Amerika, Donald Trump arageza ijambo kuri Kongere, agaragaze bimwe mu byaranze ibyumweru bye bya mbere ku buyobozi, nk’undi muperezida we wese wa w’Amerika.
Ni ijambo risanzwe rizwi nka “State of the Union”. Riraha Trump uburyo bwo kugaragaza uko abona icyerekezo cy’ubukungu bw’Amerika n’ingamba zijyanye n’abimukira, kandi biramuha umwanya wo gusobanura ibyemezo bitabonwa kimwe byo kugabanya abakozi ba guverinema y’igihugu cyose no guhangana na Perezida wa Ukraine, Volodymyr Zelenskyy.
Cyakora ikibazo gikomeye cyihutirwa kuri Trump, kiraba uguhuza abarepubulikani bagize ubwiganze muri Sena n’umutwe w’abadepite kugira ngo bemeze ingengo y’imali ya guverinema izakoreshwa nyuma y’itariki ntarengwa ya 14 y’uku kwezi kwa gatatu.
Abarepuburikani ntibemeranywa ku bijyanye no gukuraho gahunda zijyanye n’imibereho myiza, harimo iz’ubuvuzi nk’iz’iziha ubwishingizi abafite umushahara muto, kwishyura imyenda y’Amerika no kwongerera igihe itegeko rireba imisoro yagabanyijwe mu 2017, mu myaka ine ya mbere y’ubuyoboozi bwa Trump.
Byitezwe ko Trump aza no kuvuga ku ntambara Ibera muri Ukraine n’intara ya Gaza. Trump yabyise "umushinga umwe munini, mwiza" wo gutera inkunga gahunda ya politiki y’imbere mu gihugu.
Mu cyumweru gishize, Perezida w'inteko ishinga amategeko umutwe w'abadepite, Mike Johnson, yabwiye abanyamakuru ati: "Dufite akazi gakomeye imbere, ariko tugiye kwubahiriza gahunda ya “Amerika mbere na mbere" Ati: “Tugiye kuyitanga ku buryo bwose, si mu bice”.
Abadepite b’abademokrate banenzeumushinga w’ingengo y’imari, bavuga ko ifitiye inyungu abaherwe.
Mu cyumweru gishize, umuyobozi wa Sena, Chuck Schumer, yaragize ati: "Ntiwibeshye, izambura abageze mu za bukuru, abana n’abagendana ubumuga, kugirango yishyure abakire maze bakire kurushaho”. (VOA NEWS)
Forum