Perezida w'agateganyo wa Gabon, Brice Oligui Nguema kuri uyu wa mbere, yatangaje ko azitabira amatora y’umukuru w’iki gihugu giherereye muri Afurika yo hagati ateganijwe ku itariki ya 12 y’ukwezi kwa kane gutaha.
Nguema, ufite imyaka 50 y’amavuko, yafashe ubutegetsi muri kudeta ya gisirikare ya munani hagati muri Afurika no mu burengerazuba, hagati y’umwaka wa 2020 n’uwa 2023.
Iyo kudeta yasezereye ubuyobozi bw’igihe kirekire bw’uwamubanjirije, Ali Bongo n'umuryango we muri iki gihugu gikungahaye kuri peteroli nyamara gikennye.
Brice Nguema yabwiye abamushyigikiye mu murwa mukuru wa Gabon, Libreville, ati: "Nyuma yo kubitekerezaho neza no gusubiza ugutakamba kwanyu, nahisemo kuba umukandida mu matora ya perezida ateganijwe tariki 12 y’ukwezi kwa kane uyu mwaaka wa 2025. (Reuters)
Forum