Mu burengerazuba bwa Leta ya Texas muri Leta zunze ubumwe z’Amerika, havuzwe umuntu wa mbere wahitanywe n’indwara y’iseru, mu bantu barenga 120 banduye muri icyo cyorezo.
Uwo muntu wapfuye yari arwariye mu bitaro. Abaye umuntu wa mbere kuva icyorezo cy’iseru cyadutse mu kwezi gushize. Ibijyanye n’imyaka y’umurwayi wapfuye mw’ijoro ryakeye, ntibyari bisobanutse.
Ibitaro by’abana, yari arwariyemo mu mujyi wa Lubbock, ntibyahise bisubiza ubwo byari bisabwe kugira icyo bivuga. Abarwayi 124 ni bo bamaze kugaragaraho iseru muri komini icyenda za leta ya Texas, nk’uko ishami ry’ubuvuzi rya Leta ryabivuze kuwa kabiri.
Hari kandi n’abandi bantu icyenda barwaye indwara y’iseru mu burasirazuba bwa Leta ya New Mexico. Iseru ni indwara iterwa virusi ifata mu myanya y’ubuhumekero ishobora kuba mu mwuka amasaha agera kuri abiri
Abantu 9 mw’i 10 bashobora kwandura iyo virusi igihe bagira aho bahurira nayo, nk’uko ikigo cy’Amerika gishinzwe kurwanya no gukumira indwara kibivuga.
Abana benshi bazakira indwara y'iseru nibayirwara, ariko bashobora guhura n’ingorane zikomeye harimo indwara y’umusonga, ubuhumyi, kubyimba ubwonko ndetse bishobora kubaviramo urupfu.
Iki cyorezo kirimo gukwirakwira cyane mu baturage mu gace karimo imijyi mito itandukanye ariko irimo abantu bahuzwa n’ibintu bitandukanye nk’imirimo, insengero n’amaduka y’ibiribwa, hamwe n’ibindi bikorwa bya buri munsi. (AP)
Forum