Vatikano itangaza ko Umwungere wa Ekleziya Katorika Papa Fransisiko amaze iminsi ari mu bitaro, abandanya guhema yifashishije umwuka mwinshi wo kwa muganga ufasha umuntu guhema“ Oxygene” mu gifaransa.
Ni inyuma yaho abaganga batangarije ko aremvye, bikaba ngombwa ko banamutera amaraso kubera atari afise ayakwiye. Amaraso yayatewe ku wa gatandatu, amaze kubangamirwa cane na hasima, bakamutoramwo n’ubundi bwandu mu mahaha.
Vatikano yavuze ko yasinziriye neza, yaruhutse, kandi abaganga bariko baramukorera ibindi bizamini.
Papa Fransisko w’imyaka 88 yinjiye ibitaro vy’I Roma itariki ya 14 z’uku kwezi kwa kabiri, afise ingwara yo guhema. Acinjira ivyo bitaro, abamuvura babanje kuvuga ko arwaye “bronchite”, mu nyuma baza kuvuga ko basanze “uburwayi bw’uguhema amaranye igihe, buvanganye n’ubundi bwandu “microbes/Infections” butandukanye bwo mu mahaha.
Vatikano ibicishije ku mu nyamabanga mukuru wayo Kardinali Pietro Parolin, yahakanye amakuru yise ibihuha, yavuga ko Papa Fransisiko ashobora gutanga imihoho bivuye ku bugwayi bwiwe no kuba yoba atagifise inguvu zo kubandanya amabaganga yiwe.
Abatagetsi batandukanye bo kw’isi barimwo abanyamadini n’abanyepolitike barimwo nka Prezida wa Amerika Donald Trump, bavuze ko basabiye Papa ugukira, bongerea bamwipfuriza imisuhuko. (AP)
Forum