Umushikiranganji w’Ubwongereza ajejwe imigenderanire, yavuze ko atemera ko Uburusiya bufise ishaka ryo kurondera amahoro, muri Ukraine, yongera arahinyuza ivyariko birashikiriza n’umushikirangnaji w’Uburusiya ajejwe imigenderanire, Sergei Lavrov.
Ejo ku musi wa kane ku muhingamo, inyuma y’inama yagize na Sergey Lavrov, hamwe n’abandi bashikirianganji bo mu bihugu vyo kw’isi bikize bihurikiye mu murwai G20. David Lammy w’Ubwongereza, yavuze ko ata kintu kiboneka cerekana ko Uburusiya bwipfuza gushika ku mahoro mu gihugu ca Ukraine.
Mu kiganiro Lammy yahaye abamenyeshamakuru, umushikiranganji w’Uburusiya ahejeje gushikiriza ijambo abandi bategetsi baserukiye ibihugu vyabo mu nama y’ibihugu bihurikiye mu murwi G20 yabaye mu mwiherero, I Johnnesburg mu gihugu ca Afrika y’Epfo, yagize ati: “Nihweje ivyo abategetsi bUburusiya hamwe na Lavrov bashikirije, simbona ko banyotewe amahoro.
Mw’ijambo ryiwe, Lavrov yari yasubiyemwo ivyama vyashikirijwe n’Uburusiya koibihugu vyo mu burengero vyama biriko birisuka mu bibazo biraha ibindi bihugu.
Lammy yavuze kandi ko Lavrov yavuye mu cumba cariko kiberamwo iyo nama, igihe Lammy yagomba gushikiriza ijambo.
Forum