Mu birori bya Noheli byateguwe n’abagira neza, ahantu hatatu, muri Nigeriya abantu baragwiriranye, abatari munsi ya abantu 67 bahasiga ubuzima, muri iki cyumweru gishize.
Benshi muri bo bari abana. Imiryango ihanganye n’ikibazo gikomeye cy’ubuzima buhenze mu gihugu. Kuwa gatatu abana batari munsi ya 35 baguye muri Leta ya Oyo, mu majyepfo y'uburengerazuba bw’igihugu. Kuwa gatandatu abantu 22 bapfiriye muri Leta ya Anambra mu gihe abandi 10 bapfiriye mu murwa mukuru Abuja.
Abantu barenga 1.000 bari bateraniye mu kiriziya aho bari bagiye gufata imyenda n’ibiribwa. Abasesengura ibintu bavuga ko kugwirirana atari bishya muri Nijeriya, kandi ko akenshi biterwa no kutubahiriza ingamba z'umutekano rusange.
Cyakora bavuga ko kwiheba kw’abantu bagerageza gushaka amaramuko, bituma bitoroha kugenzura imbaga iba yateranye. (AP)
Forum