Polisi ya Zambiya yavuze ko yataye muri yombi abagabo babiri bakekwaho gushaka "kugirira nabi" perezida Hakainde Hichilema bakoresheje uburozi.
Abapolisi bavuze ko kuwa gatanu umunyamozambike, Jasten Mabulesse Candunde, w’imyaka 42 y’amavuko n’umuyobozi w’umudugudu wo muri Zambiya, Leonard Phiri w’imyaka 43, bafatiwe mu murwa mukuru wa Zambiya, Lusaka.
Ibitangazamakuru bivuga ko abakekwa, bashinjwa ibijyana no gukoresha uburozi bw’ubutererano. Polisi ikavuga ko bateganyaga gukoresha ibintu bitandukanye, harimo n’uruvu ruzima, kugirango bagirire nabi Perezida Hakainde Hichilema. "
Bombi bivugwa ko bahawe ako kazi na murumuna w’umudepite wo mw’ishyaka ritavuga rumwe n’ubutegetsi, MP, ushinjwa icyaha cy’ubujura, gushaka kwica no gutoroka gereza.
Polisi ivuga ko bazitaba urukiko mu minsi ya vuba. (AFP)
Forum