Abategetsi ba polisi ya Kenya bavuze ko umuntu wakekwaga, wiyemereye ko yishe abagore 42, ubu wari ufunze kubera ibice by’umubiri byavumbuwe mu murwa mukuru wa Kenya, yatorotse kasho.
Uwo mugabo Collins Jumaisi Khalusha w’imyaka 33 y’amavuko, yari afungiye kuri sitasiyo ya polisi, nyuma y’uko urukiko rwemereye abakora iperereza indi minsi irindwi yo kugenzura ibyaha avugwaho, mbere yo kumukatira.
Mohamed Amin, ukuriye urwego rw’iperereza ku byaha by’urugomo, yabwiye Ibiro ntaramakuru AP ko "bibabaje" kuba Khalusha yatorotse hamwe n’abandi bagororwa 12 bari bafungiye hamwe. Aha ni nyuma yo gukata insinga muri kasho bari bafungiyemo, bagasesera hanyuma bagasimbuka urukuta mu gitondo cyo kuri uyu wa kabiri.
Amin yavuze ko Khalusha ari we "ukekwa wa ruharwa" avuga ko abapolisi akoze iperereza kandi ko bazafata umwanzuro. (AP)
Forum