Prezida w’Afrika y'epfo, Cyril Ramaphosa, azotangaza mu misi 15 yimirije, itariki y'amatora azoba muri uyu mwaka mu gihugu ciwe.
Umuvuguzi w'ibiro vya Perezida, Vincent Magwenya, kuri uyu wa gatatu, yatangaje ko gushira ahabona itariki amatora azoberako vyotegerezwa guhumuriza abanyagihugu. Yasiguye ko Prezida Ramaphosa amaze gufata ingingo yerekeye umusi amatora azoberako, azoca abitangaza icese, kandi ko bizova ku mirimo azoba afise kuri uwo musi.
Abantu bari biteze ko Prezida Ramaphosa atangaza itariki amatora azoberako mu gihugu, ku muhingamo w’ejo ku musi wa kane, igihe ashikiriza ijambo abanya-Afrika y’epfo ku kugene igihugu cifashe muri iki gihe, n’imigambi abafitiye muri bihe biri imbere. Ni ko yabikoraga mu myaka itanu iheze.
Umuvugizi w’ibiro vya Prezida, Vincent Magwenya, yariyamirije abashatse kuvuga ko Ramaphosa afise imigambi yo gutebesha gutangaza itariki y’amatora.
Magwenya yavuze ko ata gutebesha amatora kuhari, kubera ata tariki y’ukuri abantu bari biteze. (AFP)
Forum