Perezida Abdel Fattah al-Sisi wa Misiri Yatsindiye Manda ya Gatatu

Mu Misiri, Komisiyo y’igihugu y’amatora yatangaje ko Perezida Abdel Fattah al-Sisi ari we watsindiye umwanya w’umukuru w’igihugu. Perezida al-Sisi yegukanye amajwi 89.6%. Bityo aba abonye manda ya gatatu y’imyaka itandatu.

Ababikurikiranira hafi basanga nta gitangaza kirimo kuko atari afite abo undi mukandida w’igikonyozi muri batatu bahanganye nawe. Amaze imyaka 20 ku butegetsi.

Mu 2013, Abdel Fattah al-Sisi, wahoze ari Jenerali mukuru w’igisirikare, yahiritse ubutegetsi bwa perezida wa mbere wari watowe mu buryo bwa demokarasi Mohamed Morsi.

Mu 2014, yatorewe manda ya mbere. Yongeye gutorwa mu 2018. Hombi n’amajwi 97%. Mu 2019, yahinduye itegeko nshinga, manda ye iva ku myaka ine ijya kuri itandatu. Ridahindutse na none, iyi yaba ari yo manda ye ya nyuma. (AFP, Reuters)