Isiraheli Yategetse ko Abantu Batuye muri Mujyi wa Gaza Bakinjura

Leta ya Isiraheli yategetse ko abantu bose batuye mu mujyi wa Gaza nyirizina, bahakurwa mbere y’igitero cyo ku butaka kitezwe mu gihe cya vuba.

Cyokora ubuyobozi bw’umutwe wa Hamas bwo bwabwiye buri wese buti: “Mugume mu ngo zanyu kandi mukomere imbere y’iyi ntambara itesha umutwe, yagabwe n’abigaruriye intara.

Abakozi ba ONU barimo guhungisha abantu mu majyaruguru y’intara ya Gaza. Inas Hamdan, umukozi wa ONU mu biro bishinzwe impunzi z’abanyepalestina mu mujyi wa Gaza, yabwiye ibiro ntaramakuru by’abanyamerika the Associated Press ati: “Ibi ni akajagari, ntawe usobanukiwe n’igikwiye gukorwa”. Yongeyeho ko abakozi ba ONU barimo gukura abantu mu majyaruguru ya Gaza.

Ati: “ONU, irasanga bidashoboka ko igikorwa nk’icyo gishobora kuba nta ngaruka zikomeye ku kiremwa muntu”. Umuvugizi wa ONU, Stephane Dujarric yavuze mw’itangazo, ibinyanye no guhungisha abantu barenga miliyoni imwe. Ati: ONU iratakamba ku bijyanye n’amabwiriza nk’ayo, igihe byaba bitegetswe, kwibuka ko bishobora gutuma icyari akaga gihindukamo amakuba akomeye”.

Uwo muvugizi Dujarric yavuze ko ibyo binareba abakozi bose ba ONU n’abandi bose bihishe mu mazu ya ONU, harimo amashuri, ibigo nderabuzima n’amavuriro.