Komisiyo y’amatora muri Zimbabwe ejo kuwa gatandatu katangaje ko Perezida Emerson Mnangagwa yaje ku isonga mu matora yabaye mu cyumweru gishize.
Komisiyo y’amatora yatangaje ko yatsinze ku majwi 53 ku ijana. Abatavuga rumwe n’ubutegetsi n’abasesengura ibya politike bakemanze ibyavuye mu matora.
Mnangagwa yasimbuye Robert Mugabe ku mwanya wa perezida nyuma y’ihirikwa ry’ubutegetsi ryakozwe n’igisirikare cya Zimbabwe mu 2017.
Yari asanzwe abonwa nk’ugomba gutsindira manda ya kabiri nkuko bamwe mu basesengura ibya politike muri icyo gihugu babigaragaje. Akomoka mw’ishyaka ZANU PF rimaze hafi imyaka 40 ku butegetsi muri icyo gihugu.
Akanama gashinzwe amatora muri Zimbabwe kavuze ko Nelson Chemisa uyobora ishyaka Citizens' Coalition for Change (CCC) ari na we wamuryaga isataburenge muri aya matora yagize amajwi angana na 44 ku ijana
Abanywanyi ba ZANU PF batangiye kuririmba indirimbo zo kwishimira gutsinda hanze ya komisiyo y’amatora, amajwi akibarurwa bemeza ko umukandida wabo yatsinze (REUTERS)
Forum