Guhererekanya Impfungwa Byatangiye mu bifitanye isano n’ubushyamirane muri Yemeni. 

Guhererekanya impfungwa byatangiye mu bifitanye isano n’ubushyamirane muri Yemeni. Komite mpuzamahanga y’umuryango utabara imbabare, Croix Rouge ni yo irimo gufasha muri ibyo bikorwa byo guhererekanya impfungwa hagati y’abarwanyi b’Abahouthi n’urugaga ruyobowe na Arabiya Sawudite rushyigikiye guverinema ya Yemeni.

Batangiye uyu munsi kuwa gatanu, ubwo indege ya mbere yahagurukaga i Sanaa mu gice gifitwe n’abarwanyi, ibajyanye Aden mu gice kigenzurwa na guverinema.
Abagororwa hafi 900 bazarekurwa n’impande zombi muri iyi iri imbere.

Guhererekanya impfungwa bikurikiye amasezerano yo mu kwezi gushize yemerejwe mu Busuwisi. Impande ziri mu ntambara, ziteguye kwongera guhura mu kwezi kwa gatanu, bakaganira ku bijyanye no gufungura abandi bagororwa.

Abantu ibihumbi byinshi barapfuye kandi abandi miliyoni basigaranye inzara biturutse ku bushyamirane muri Yemeni. Ni ubushyamirane bwafashwe nk’intambara yarwanywe mu nyungu z’ibihugu by’Arabiya Sawudite na Irani,

biyiri inyuma. Urugaga ruyobowe n’Arabiya Sawudite, rwinjiye mu ntambara yo muri Yemeni mu mwaka wa 2015 nyuma y’uko abarwanyi b’Abahouthi birukanye guverinema ya Yemen i Sanaa muri 2014.