Perezida wa Iraki Abdel Latif Rashid yamaganye ibitero bya Turkiya hafi y’ikibuga cy’indege cya Sulaimaniyah kiri mu gace kigega k’Abakurde.
Perezida Rashid nawe w’Umukurde yavuze ko ibyo bitero bidafite ishingiro ko ahubwo icyo bigamije ari ugutera ubwoba abaturage, bitwaza ko Iraki icumbikiye abanzi ba Turkiya.
Abo avuga ni abayoboke b’ishyaka ry’abakozi ry’Abakurdi, Turkiya ifata nk’umutwe w’iterabwoba.
Ibiro ntaramakuru by’Abafransa dukesha iyi nkuru byagerageje kuvugisha ubuyobozi bwa ministeri y’ingabo muri Turkiya buhakana ko butigeze bugaba ibyo bitero.
Ibyo bitero byatumye ikibuga cy’indege cya Sulaimaniyah gihagarika imirimo umwanya muto nk’uko byemezwa n’inzego zishinzwe umutekano.
Si ubwa mbere Turkiya igaba ibitero muri ako gace. Kenshi ikoresha utudege tudafite abadereva tuzwi nka drone.
Kuwa mbere Turkiya yari yahagaritse indege zayo gukora ingendo ku kibuga cya Sulaimaniyah ivuga ko ifite amakuru y’iperereza yemeza ko abayoboke ba PKK barimo gutegura ibitero byo mu kirere.
Mu ntangiro z’ukwezi kwezi gushize, ibitero bya Turkiya byishe abarwanyi babiri b’Abayazidi bashamikiye kuri PKK.
Abarwanyi b’uyu mutwe wa PKK bamaze igihe bagaba ibitero ku butaka bwa Turkiya bimaze guhitana abantu benshi kuva mu 1984.
Facebook Forum