Umushikiranganji wa Amerika w’ubutungane, Merrick Garland, avuga ko ashigikiye ko umurwi w’abacangero Wagner w’Uburusiya witwa uw’iterabwoba mpuzamakungu. Yavuze ko uwawushinze, Yevgeny Prigozhin, ko yakoze ivyaha vyo mu ntambara.”
Yabivuze ku musi wa gatatu ariko yishura ibibazo vya komisiyo ya Sena ya Amerika ikurikirana ivy’ubutungane.
Merrick Garland yavuze ko Wagner ari ishirahamwe ririko rirakora ivyaha vyo mu ntambara, kandi ririko rirabangamira Amerika. Ariko avuga ko ubushikiranganji bw’imigenderanire ari bwo bwemerewe kwita amazina nk’ayo iyo mihari.
Umurwi w’abasenateri bakurikirana ivy’ubutungane uriko urategura itegeko rizosaba umushikiranganji w’imigenderanire kwita uwo murwi Wagner ko ari uw’iterabwoba.
Umugwi Wagner washinzwe mu 2014. Urongowe na Yevgeny Prigozhin, asanzwe yashizwe mu bihano na Amerika kuko yegereye Prezida Vladimir Poutine.
Ufise abarwanyi bagereranywa n’50.000 muri Ukraine. Benshi batororokanijwe bakuwe mu mabohero y’Uburusiya. Babaye intwari zidasanzwe ku Burusiya mu ntambara burimwo muri Ukraine. (VOA News).
Facebook Forum