Ishirahamwe mpuzamakungu Amnesty International ryatanguje isekeza ku mbuga ngurukanabumenyi ryo gusaba irekurwa ry'umumenyeshamakuru Floriane Irangabiye afunzwe kuva mu mpera z'ukwezi kwa munani 2022. Yagirizwa gukorana n'imirwi yitwaje ibirwanisho no guhungabanya umutekano w'igihugu.
Iryo shirahamwe rivuga ko azira umwuga wiwe rigahamagarira abantu benshi bashoboka gusinya urwandiko rusaba irekurwa ryiwe. Mu kwezi kwa mbere uyu mwaka mu ntango, sentare ya Mukaza ku murwa mukuru w'ubutunzi Bujumbura yahanishije uwo mukenyezi umunyororo w'imyaka 10.
Fyonda munsi wumve ibindi kuri ino nkuru ya Eloge Willy Kaneza
Facebook Forum