Ubushinwa bwamaganye ingamba nshya zashyizweho n’ibihugu bimwe kuri COVID-19, zisaba abagenzi b’abashinwa kwipimisha, buvuga ko izo ngamba zidashingiye kuri siyansi.
Ibigo by’Amerika bishinzwe kugenzura no gukumira indwara byatangaje mu cyumweru gishize ko abagenzi bakoresha indege bava mu Bushinwa, bazajya babanza kugaragaza ko bipimishije kandi badafite COVID-19 cyangwa bakerekana ibimenyetso by’uko bayikize, mbere y’uko bemererwa kurira indege. Ubwongereza, Ubufaransa, Canada, Koreya y’epfo, Esipanye na Katari, biri mw’itsinda ry’ibihugu byatangaje ibisabwa nk’ibyo ku bagenzi bava mu Bushinwa.
Minisitiri w’ububanyi n’amahanga w’Ubushinwa, Mao Ning, yabwiye abanyamakuru ko Ubushinwa bushobora na bwo gushyiraho “ingamba zo kwihimura”.
Ubwandu bwa COVID-19 bwongeye kwiyongera mu Bushinwa, mu gihe izindi za guverinema zashyize amakosa kuri iki gihugu, ku kuba butaravugiye ku mugaragaro ibijyanye n’imibare y’abantu banduye. Abategetsi mu muryango w’ubumwe bw’Uburayi, byitezwe ko bahura bakaganira ku buryo bwo guhuriza hamwe ingamba za COVID ku gihugu cy’Ubushinwa. (Reuters)
Facebook Forum