Prezida wa Reta zunze ubumwe z’Amerika, Joe Biden, na madamu wiwe Jill Biden bari I Londres mu Bwongereza, aho ejo ku wa mbere bazokwitabira imihango yo gushingurana iteka Umwamikazi w’Ubwongereza Elizabeti wa II.
Bitegekanijwe ko uno munsi ku kagoroba, Umwami mushasha w’Ubwongereza, Charles III, afungurira abategetsi baza bamaze gushika mu Bwongereza kuzoherekeza ubwa nyuma nyina wiwe Elizabeti wa II.
Abanyacubahiro bitezwe kuzoba bari mu mihango yo gushingura Umwamikazi Elizabeti wa II baharurwa mu majana. Muri bo harimwo imiryango y’ubwami bwo hirya no hino kw’isi: Ubwami bw’Ubwongereza bwaranatumiye igikomangoma ca Arabiya Sawudite, Mohammed Bin Salman, yegekwako ubwicanyi bw’agashinyaguro bwakorewe umumenyeshamakuru Jamal Khashoggi mu 2018.
Facebook Forum