Reta zunze ubumwe za Amerika yatangaje kuri uyu wa kabiri ko igiye guha Ukraine imiriyoni 89 z’amadolari azofasha mu gutegura ibisasu vyatezwe mu kuzimu n’Uburusiya.
Ayo mafaranga azofasha imirwi ijana y’abazotegura izo mine ziri mu kuzimu, kubaha imyimenyerezo hamwe n’ibikoresho vyo ku bakingira muri ivyo bikorwa bazokorera ku butaka bungana ihegitare imiriyoni 16 Uburusiya bwatezemwo izo mine.
Ukraine ivuga ko abasirikare b’Uburusiya basize banyegeje amamine mu nyubakwa zibikwamwo ibifungurwa, mu miduga, mu mashine zo kumesa zo mu mazu y’abantu, mu rwinjiriro rw’imiryango, mu bitanda vyo mu bitaro hamwe no mu biziga vy’abantu biciwe mu rugamba.
Ubushikiranganji bwa Amerika bujejwe imigenderanire bwavuze ko kuva mu mpera z’ukwezi kwa gatatu Ukraine imaze gutegura amamine hafi 160.000, ariko abanye-Ukraine hafi imiriyoni zitanu bakiba mu bice birimwo amabombe yatezwe n’Abarusiya.
Facebook Forum