Aba basirikare bari bamaze igihe bagotewe mu ruganda rw'ibyumwa rwa Azovstal, mu mujyi w'icyambu cya Mariupol, mu burasirazuba bwa Ukraine. Minisiteri y'ingabo y'Uburusiya yatangaje ko 1,730 bashyize intwaro hasi, baritanga.
Komite mpuzamahanga ya Croix-Rouge, CICR, ivuga ko ari imfungwa z'intambara. Nk'uko amasezerano mpuzamahanga yo mu 1949 ayiha ububasha bwo kubakurikirana, Uburusiya bwarayemereye itangira kubabarura no kwandika imyirondoro yabo, nk'amazina yabo, itariki y'amavuko, na bene wabo ba hafi.
CICR isobanura ko bene aya makuru azayifasha kuzakurikirana aba basilikare no kuzajya imenyesha imiryango yabo amakuru yabo.
Naho leta ya Ukraine itangaza ko ifite umugambi wo kubagurana n'abasirikare b'Abarusiya bafatiwe ku rugamba, Uburusiya niburamuka bubyemeye.
Facebook Forum