Mu Rwanda Urukiko rw'ibanze rwa Kagarama mu karere ka Kicukiro rwategetse ko urubanza rwa Dieudonne Ishimwe umuyobozi w'ikigo Rwanda Inspiration Back Up cyateguraga amarushanwa ya Miss Rwanda, rushyirwa mu muhezo.
Uru rubanza rurasuzuma ingingo y'ifungwa n'ifungurwa ry'agateganyo rya Dieudonné Ishimwe ukurikiranyweho ibyaha bifitanye isano n'ihohotera rishingiye ku gitsina ryaba ryarakorewe abakobwa bitabiraga amarushanwa ya Miss Rwanda.
Umucamanza w'Urukiko rw'ibanze rwa Kagarama yavuze ko icyo cyemezo cyatewe n'impungenge ku mutekano w'abatangabuhamya muri urwo rubanza.
Umunyamakuru w'Ijwi ry'Amerika Assumpta Kaboyi yakurikiranye ibyabaye ategura inkuru irambuye mushobora kumva mu ijwi rye hano hepfo:
Facebook Forum