Muri Indoneziya, urukiko rwakatiye igihano cy'urupfu umwarimu wafashe ku ngufu abana b'abanyeshuri.
Ibyaha bya Herry Wirawan byakubise inkuba igihugu cyose. Ubucamanza buvuga ko yabikoze hagati y'umwaka w'2016 n'uw'2021. Yahamwe no gufata ku ngufu abana b'abakobwa 13 mu bo yigishaga, bari bafite hagati y'imyaka 12 na 16 y'amavuko.
Mu kwezi kwa kabiri gushize, urukiko rw'ibanze rwo mu mujyi wa Bandung, mu burengerazuba bw'igihugu, rwamukatiye gufungwa burundu. Ubushinjacyaha bwari bwamusabiye icyo kwicwa. Bwarajuriye, none urukiko rukuru ni bo rwakurikiye, koko rukatira Herry Wirawan igihano cy'urupfu.
Minisitiri ushinzwe kurengera uburenganzira bw'abana nawe yari ashyigikiye ko Wirawan ahabwa igihano cy'urupfu. Naho komisiyo ya leta ishinzwe uburenganzira bwa muntu, ubusanzwe muri rusange itemera bene iki gihano, yari yaratangaje ko kitamukwiye. Avoka we, Ira Mambo, yabwiye itangazamakuru ko adashobora kuvuga niba azajurira kubera ko atarabona inyandiko yose y'urubanza.
Ikigo ntaramakuru Reuters kivuga ko gufata abana ku ngufu mu mashuri ari ikibazo gikomeye muri Indoneziya. (Reuters)
Facebook Forum