Muri Repubulika ya demokarasi ya Kongo, abaganga bavura ku ivuriro ryo mu nkambi ya Lusenda icumbikiye impunzi z'Abarundi bahagaritse kuvura kubera bagenzi babo batatu bashimuswe mu cyumweru gishize bataraboneka.
Urugaga rw’abaganga mu karere ka Fizi ko mu ntara ya Kivu y'Epfo ruvuga ko abantu bashimuse bagenzi babo barimo gusaba incungu ya $12000 kugira ngo babarekure
Hagati aho bagenzi babo kuri iri vuriro bagiye kumara icyumweru batavura mu rwego rwo gushyira igitutu ku butegetsi ngo bugire icyo bukora mu kurokora bagenzi babo.
Umunyamakuru w'Ijwi ry'Amerika mu burasirazuba bwa Kongo, Vedaste Ngabo yabikurikiye ategura iyi nkuru irambuye mushobora kumva mu ijwi rye hano hepfo.
Facebook Forum