Umunyamabanga mukuru wa ONU, Antonio Guterres yasavye ashimitse kuri uyu wa gatatu Perezida Vladimir Putin w'Uburusiya guhagarika kw’izina ry’amakungu gutera Ukraine.
Yabivuze inyuma y’inama yihuta y’akanama ka ONU kajejwe amahoro n’umutekano kw'isi, inyuma y’aho perezida w’Uburusiya atangarije ko atanguje ibikorwa vya gisirikare kuri Ukraine. Guterres yavuze ko ibi ari ibihe bibabaje kuri manda yiwe nk’umukuru wa ONU.
Yasavye Perezida Putin gusubiza abasirika biwe mu Burusiya, asaba kandi ko intambara ihagarara ubu nyene.
Ibiganiro vy’urutavanako vyari bimaze indwi zitari nke ku cicaro ca ONU hamwe no mu bindi bihugu vyarananiwe kugondoza Perezida Putin.
Reta zunze ubumwe za Amerika yavuze ko kuri uyu wa kane itanga integuro y’itegeko yiyamiriza akagagazo k’Uburusiya mu nama ya ONU ijejwe umutekano kw’isi.
Guterres yavuze ko iyi ntambara izogira ingaruka mbi ku kiremwa muntu no ku butunzi bw'isi.
@AFP
Facebook Forum