Perezidanse ya Reta zunze ubumwe za Amerika, White House, yavuze kuri uyu wa mbere ko Amerika yiteguye gutangura ibiganiro vya kidipolomasiya n’Uburusiya biciye mu nzira zinyuranye. Ariko Amerika yatomoye ko Uburusiya bukwiye kubanza kwumva amakenga y’ibihugu vyo mu burengero bw’isi ku kurundaniriza abasirikare babwo ku rubibe na Ukraine.
Umuhanuzi mukuru muvy’umutekano muri perezidanse y’Amerika, Jake Sullivan, yavuganye na mugenzi we w’Uburusiya, Yuri Ushakov, umuhanuzi wa Perezida Vladimir Putin muvy’imigenderanire n’ayandi makungu. Perezidanse ya Amerika yavuze ko Sullivan yabwiye Ushakov ko ibiganiro vyose bikwiye gutorera umuti amakenga ku bikorwa vy’Uburusiya.
Mu nama yabaye mu ndwi zibiri ziheze, perezida wa Amerika Joe Biden yaragabishije Perezida Putin ko Amerika ishobora gufata ibihano bikomeye muvy’ubutunzi ku Burusiya mu gihe bwotera Ukraine.
Ntaco Uburusiya buravuga ku vyavuzwe mu kiganiro hagati ya Sullivan na Ushakov.
Facebook Forum