Perezida wa Somaliya, Mohamed Abdullahi Mohamed, batazira Farmajo, yahagaritse ububasha bw’umushikiranganji wa mbere Mohamed Hussein Roble, inyuma yo kunyinyurana muvya poritike hagati y’abo bategetsi babiri.
Igihe yafata iyo ngingo kuri uyu wa kane, Farmajo yagirije umushikiranganji wa mbere gufata ingingo gihutihuti kandi ko avuga ata migenderanire myiza afitaniye n’ibiro vy’umukuru w’igihugu.
Yisunze ingingo za 87 na 90 z’ibwirizwa shingiro mfatakibanza, Farmajo yavuze ko Roble yaciye kubiri n’ibwirizwa shingiro. Ntaco umushikiranganji wa mbere, Roble arabivugako.
Umushikiranganji wa mbere yatswe kandi ububasha bwo gutanga ubuzi no kwirukana abakozi muri iki kiringo igihugu kiri mu myiteguro y’amatora atagekanijwe mu kwezi kwa cumi na kumwe.
Icegera c’umunyamabanga mukuru wa ONU, Amina Mohammed, ku musi wa mbere yaragendeye Somaliya aca asaba abo bategetsi gushira ibibatandukanya ku ruhande kugira bashire inguvu mu myiteguro y’amatora amaze gusiba akatari gake. (VOA)
Facebook Forum