Abarwanyi b’umuhari ADF bishe abasivile 11 n’abasirikare batatu mu buraruko bushira ubuseruko bwa Republika ya demokarasi ya Congo kuri uyu w’Imana.
Umuvugizi w’igisirikare, Liyetena Jules Ngongo, yavuze ko ico gitero cabereye mu gisagara ca Ndalya, kiri mu ntara ya Ituri. Yavuze kandi ko igisirikare cishe abarwanyi ba ADF bane muri uko gutana mu mutwe kandi ko bakibakurikirana mw’ishamba iyo bahungiye.
Igisagara ca Ndalya kiri hafi ku bilometero 100 uvuye ku murwa mukuru w’iyo ntara ya Ituri, Bunia.
Inyuma y’agahengwe kari kamaze ukwezi, umuhari wa ADF wongeye kugaba ibitero mu ntango z’uku kwezi kwa kabiri.
Ishirahamwe mpuzamakungu ONU, ryavuze ko uwo muhari wishe abantu 468 mu buseruko bwa Congo mu gice ca kabiri c’umwaka wa 2020, barimwo abakenyezi 108 hamwe n’abana 15.
Facebook Forum