Buramatari wa Kirundo Ahamagarira Indongozi Kuza Kwakira Impunzi Ziva i Mahama

Buramatari w’intara ya Kirundo, mu buraruko bw’Uburundi asaba abanyagihugu n’indongozi zo mu ntara arongoye gusidukana n’iyonka kuri uyu wa kane, igenekarezo rya 27 ukwezi kwa munani, 2020 kwakira benewabo b’Abarundi bahunguka kuri uyu wa kane bava mu nkambi ya Mahama mu gihugu Kibanyi c’u Rwanda.

Mu rwandiko yanditse kuri uyu wa gatatu, Buramatari Albert Hatungimana yasavye cane cane abarongoye ubuzi, amashirahamwe, amadini n’izindi ndongozi.

Avuga ko igikorwa co kubakira kibera aho binjirira, ku mupaka wa Gasenyi Nemba muri Komine ya Busoni.

Umugwi wa mbere w’izo mpunzi zihunguka zitezwe kuri uyu wa kane ugizwe n’Abarundi bagera ku 500.