Jean Castex, yahoze ari umuhanuzi wa Prezida Nicholas Sarkozy yagenywe kuba umushikiranganji wa mbere mushasha w'Ubufransa.
Uyu mushikiranganji wa mbere azofasha Prezida Emmanuel Macron kuyobora intambwe ikirikira mu kiringo c’imyaka 5 ya manda yiwe.
Itangazo ryo mu biro vya prezida rivuga ko Jean Castex, w’imyaka 54, ari umuntu amenyereye amabanga akomeye ya Reta, kandi ko azotunganya Reta nshasha yasabwe gushinga.
Jean Castex, ni umunywanyi w’umugambwe, “Les Republicans”ugira ku vyiyumviro n’imigenzo ya kera mu Bufransa yarakoranye n’amareta atari make mu Bufransa.
N’ubwo yigeze kuba umuhanuzi wa Prezida Nicholas Sarkozy, Castex ntazwi cane n’abanyagihugu. Yamara yarahayagijwe n’abanyapolitike batari bake ko ari umuntu azi gukorana neza n’abandi.
Ntiyari bwigere arangura amabanga y’umushikiranganaji imbere yaho.
Facebook Forum