Uburusiya Bugumye Mu Bihano by'Ubulayi

Umuryango w'Ubulayi bwunze ubumwe wongereye ibihano wafatiye Uburusiya igihe cy'andi mezi atandatu kugera ku italiki ya 31 y'ukwa mbere k'umwaka utaha.
Mu itangazo yashyize ahagaragara, inama y'abakuru b'ibihugu b'uyu muryango ivuga ko "Uburusiya butigeze bushyira mu bikorwa amasezerano ya Minsk, muri Belarusiya, yo mu 2015" yo guhagarika imirwano.
Ubulayi bwashyizeho ibihano mu rwego rw'ubukungu na gisilikali ku Burusiya bumaze kwigarurira intara ya Crimea, mu burasirazuba bw'igihugu cya Ukraine, mu 2014.