Bombe y'Umwiyahuzi Yahitanye 5 Barimwo Buramatari muri Somaliya

Abategetsi muri Somaliya batangaje ko bombe y’umwiyahuzi yaturitse mu gice co hagati c'igihugu yishe abantu bashika kuri batanu.

Abapfuye barimwo buramatari w’intara ya Mudug, Ahmed Muse Nur, murumunawe hamwe n’abamucungerera ubuzima. Ni inyuma y’aho umwiyahuzi yari kugapusipusi yaseka imodokari barimwo mu gisagara ca Galkayo, ku bilometero 600 mu buraruko bwa Mogadishu.

Umuhari w’iterabwoba wa al-Shabab ntiwatevye kwiyemerera ko ari wo wagirizwa ico gitero.

Nur abaye buramatari wa reta ya Puntland agira kabiri yishwe na bombe y’umwiyahuzi mu mezi abiri. Kw’itariki ya 29 z’ukwezi kwa gatatu, buramatari w’intara ya Nugal, Abdisalam Hassan Hersi nawe yishwe na bombe y’umwiyahuzi mu gisagara ca Garowe.