Intagondwa za Al Shabab zarishe abanyamerika batatu kuri uyu w’Imana, inyuma yo gutera ikambi ya gisirikare iri mu ntara ya Lamu, muri Kenya, ikoreshwa n’igisirikare c’Amerika hamwe n’ica Kenya, ku rubibe na Somaliya.
Abo barwanyi bateye ikambi yitwa Manda Bay, basambura indege z’Amerika zitari nke hamwe n’imodokari, imbere yo gusubizwa inyuma n’abasirikare b’Amerika bafadikanije n’aba Kenya.
Igisirikare c’Amerika ku mugabane w’Afrika, AFRICOM, gishikiriza ko batakaje umusirikare umwe hamwe n’abakozi babiri bakorera ico gisirikare.
Umuhari w’intagondwa za al-Shabab wigamvye ko ariwo wagavye ico gitero.
Facebook Forum