Brexit Izaba cyangwa Ntizabaho?

Ministiri w’intebe w’Ubwongereza, Boris Johnson, yatanze integuza ku badepite ko nibaramuka batemeje ingengabihe ye yo gukura Ubwongereza mu muryango w’Uburayi, azahamagaza amatora.

Kuri uyu wa kabiri, ni bwo abadepite batora kwemeza cyangwa kwanga amasezerano mashya ministiri w’intebe yumvikanyeho n’ibihugu byo mu muryango w’Uburayi.

Jeremy Corbyn, uyobora ishyaka ry’abakozi ritavuga rumwe na leta, yavuze ko ibyo ministiri w’intebe ashaka gukora babifata nko gutambamira imikorere y’inteko ishinga amategeko.

Iyi ni indi mbogamizi Minisitiri w’Intebe Johnson ahuye na yo mu kugerageza gukura Ubwongereza mu muryango w’Uburayi.