Igisirikare cya Repubulika iharanira demokarasi ya Congo FARDC kiravuga ko cyishe abarwanyi batandatu b’inyeshyamba z’Abarundi za Red Tabara zifite ibirindiro muri teritware ya Uvira muri gurupema ya Lemera mu ntara ya Kivu y’epfo.
Ibi ni nyuma y’iminsi mike ingabo za Congo zitangije urugamba rwo kwirukana imitwe y’itwaje ibirwanisho y’Abarundi ndetse n’abakongomani yari imaze imyaka irenga itatu muri Kivu y’epfo.
Izo ngabo zahereye k’umutwe wa Red Tabara wari usanganwe ibirindiro ahitwa ku kiryama.
Amakuru Ijwi ry’Amerika rikesha , Jenerali Majoro Padiri Jonas , ushinzwe intambara n’ubutasi mu karere ka gatatu k’gisirikare ahamya ko muri iyi mirwano imaze iminsi ibiri itangiye, igisirikare cya Congo cyishe abarwanyi batandatu ba Red Tabara , hakomeraka abasirikare batatu b’igisirikare cya Congo.
Twagerageje kumva icyo izo nyeshyamba zivuga ntihagira utwitaba.
Facebook Forum