Nyuma y'ibyumweru bitanu rumaze muri za kaminuza zitandukanye, urubyiruko nyafurika rugera ku gihumbi ruzabonana na Perezida Barack Obama wa Leta zunze ubumwe z'Amerika I Washington DC mu cyumweru gitaha.
Eric Mahoro, umwe mu banyarwanda 12 batumiwe muri gahunda ya "Mandela Washington Fellowship" yatangijwe na Perezida Obama, yabwiye Ijwi ry'Amerika ko hari byinshi bamaze kungukira mu nyigisho bahawe muri za kaminuza barimo bizabafasha kurushaho kuba umusemburo w'impinduka nziza ku mukabana w'Afurika.
Ku nshuro ya mbere ubwo yahuraga n'urubyiruko nyafurika mu mwaka wa 2014, perezida Obama yavuzeko Afurika yihagije kandi itekanye n’ikimwe mu byibanze bizatuma ejo hazaza h’isi haba heza.
Kuzana uru rubyiruko muri Amerika, ni gahunda ya Perezida Obama igamije guha ubushobozi urubyiruko nk’abayobozi b’ejo hazaza ba Afurika.